娜姐拍劇皮膚敏感 吳綺莉挑戰精神分裂
2020-06-22

周秀娜(娜姐)、吳綺莉(Elaine)、黃德斌、林德信及姜濤等,昨日一起出席ViuTV新劇《太平街紋身店》的宣傳活動。娜姐稱,為扮演紋身師,令到自己皮膚敏感;Elaine這次嘗試一人分飾演兩角,她說是從影來最大挑戰。
 

大熱天時仍穿著黑色長袖上衣及長褲娜姐稱,劇中她演紋身師,特別為這個角色做了很多準備:「我今次專誠去練習紋身,試過響豬皮上面練習紋身,亦會留意紋身師嘅小動作,希望自己睇起嚟有紋身師嘅感覺。」娜姐拍攝時還要化紋身妝,而且每次要化很久才把圖案完成:「每次開拍前都要花兩、三個鐘畫紋身,後嚟搵到一個好好嘅方法,所以縮短咗時間,然後每日嘅通告時間就要拍十幾至二十幾個鐘,所以返屋企卸完紋身妝後,皮膚已經開始出現敏感嘅現象。」 

news-images
戶外工作雖然很熱,娜姐為免曬傷皮膚,選擇穿上全套黑衣。
news-images
愛畫畫的Elaine很高興飾演畫廊老闆,而角色又有得發揮。

一提吳卓林即封口
Elaine這次飾演畫廊老闆,更一人分飾演兩姊妹,其中姐姐還有妄想症:「我依家坐響到食飯時會同張枱講嘢練習,其實對面冇人,我覺最好玩、最大挑戰就係將家姐、妹妹兩種唔同嘅性格演出嚟,因為兩個角色都係我做,我要令佢哋感覺上好唔一樣。」 問到Elaine最近有否跟女兒吳卓林聊天,Elaine說:「今日嚟講工作,所以唔講其他嘢。」

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多