Ad Block Ad Block
娛樂
2018-09-06 06:00:00

嫌黃宗澤間蠔吧奀珍 吳卓羲攬女 苗僑偉扮唔知

分享:

黃宗澤在尖沙咀開設的蠔吧昨日開幕,一班好友苗僑偉(三哥)、張繼聰和黃翠如等,均有到場支持,三哥到場時即笑黃宗澤新店細,放不落這麼多嘉賓,著他開大一點;談到吳卓羲攬新女,當晚在場的三哥,著記者問番當事人。


雖然60歲,演技仍停留在八十年代,但風度翩翩的三哥,還未呈現老態。

雖然60歲,演技仍停留在八十年代,但風度翩翩的三哥,還未呈現老態。

黃宗澤指,新店就被三哥嫌太奀珍,三哥說:「因為佢新開張就有咁多朋友嚟支持,地方點可以細㗎,要大一啲,我鼓勵佢開大幾倍。」曾表示有意跟黃宗澤和吳卓羲合資開火鍋店的三哥直言:「冇再同佢哋再傾開店舖啦,因為我都唔識飲食業,所以打消咗開舖呢個想法。」日前吳卓羲生日攬著一位女生,被傳又談戀愛,當晚在場的三哥笑說:「同佢又食過飯,我冇問佢呢件事喎!你哋自己去問佢,我點可以響度講佢。」


唔係上市生意唔敢叫三哥投資
黃宗澤表示,這次投資了幾百萬元,但不敢叫三哥注資,他說:「我呢啲小生意,三哥係大人物嚟㗎嘛,要做到上市先可以叫佢,佢係隱形富豪。」問到可會找女朋友幫忙看店,他笑說:「唔會啦,搵女朋友返嚟係享福,應該唔使佢做得咁辛苦。」

只要有得食,一定見到樂易玲,她有到場歎澤囝啲生蠔。

只要有得食,一定見到樂易玲,她有到場歎澤囝啲生蠔。


 

請接受以下私隱政策及免責聲明,以示你同意am730內之私隱政策及免責聲明。了解更多
接受