張致恆(Steven)昨日在社交平台稱大仔張天寶被某間幼稚園校長歧視,稱校長因為他的原故,而不讓其兒子入學,當中提到「有一個咁樣嘅爸爸就唔可以喺呢個社會立足嗎?」
網民得悉Steven的遭遇後,不少人留言指現時學校選擇學生,是視乎家長的質素及背景,學生的表現也不及家長的表現重要。亦有網民認為Steven無理取鬧︰「依家都冇學校話一in就收㗎啦!」、「講到好似一定要佢個仔咁!」
雯雯為張致恆平反
Steven太太雯雯先後在IG限時動態列出18點,還擊網民的指控,為老公平反。她認為Steven「只係犯咗10個有9個男人會犯嘅錯」並強調自己沒有為囝囝報讀名校,也不是報私家學校,著大家要向前看,力撐老公如今已轉變不少。她亦強調,他們雖然窮,但不代表兒子沒資格讀書。
雯雯限時動態內容︰
1. 我個仔冇報任何名校。
2. 我個仔冇報任何喺九龍塘嘅學校。
3. 我個仔係未做任何學校嘅面試。
4. 身教係好重要,但係我個仔爸爸唔係殺人犯,佢只係犯咗10個有9個男人會犯嘅錯,咁樣並唔代表佢個仔一樣會犯呢個錯。
5. 我個仔只有兩歲半,佢將來會係一個點樣嘅人冇人可以預知,所以冇人有資格去批評佢。
6. 如果一個小朋友連面試都未面,個校長就話唔收,咁樣會唔會太過有問題。
7. 我哋從來冇渴望過一定要入呢間學校,冇接觸過個小朋友就話唔收,我都唔會想我小朋友讀一間咁樣嘅學校。
8. 你哋全部都只係睇表面,只係喺度停留喺一件2019年發生嘅事,依家都已經2021年,如果呢段時間你哋係有喺張致恒身邊同佢相處,兩年後嘅佢係一個點樣嘅人,你就有資格去講,但係如果你仲停留喺兩年前,不如你依家了解咗先去評論咁多嘢。
9. 我哋係窮,但係並唔代表我個小朋友冇資格去讀書。
10. 我係唔會畀任何一個機會有人可以去傷害我嘅小朋友。
11, 我冇報任何私家,報嘅都係政府資助。
12. 我哋冇話過我哋報人哋一定要收,我哋只係覺得點解一間學校連面試都未面就表明唔收呢個學生。
13. 我老公唔係要嘈,佢只係替自己小朋友不公平,喺自己平台抒發自己感受,如果真係要嘈開咗學校名喇。
14. 我老公的確有用詞不當,帶出太多誤會。
15. 希望大家唔好停留喺兩年前,向前望。
16. 重申多一次,窮人唔代表唔可以讀書。
16. 請成熟點,不要傷害一個兩歲嘅小朋友。
17. 我老公係有還錢,只係需要嘅時間長啲,但從冇走數。
18. 香港人係善良嘅,請對自己嘅說話負責任,唔好一個大人去傷害一個小朋友。
相關新聞︰