徐加晴(Rona)繼講述疫情的《十四日》之後，再推出新歌《短期租約》，新歌再次圍繞港人近乎，因為香港不少小店在「14天」又「14天」的限聚令影響下，即將面臨倒閉結業。
Rona說：「創作《短期租約》嘅靈感喺來自於我朋友真實嘅事件，由4月嘅婚期因為限聚令而延期到8月，而家再發生第三波疫情又再一次取消計劃，而佢地原本一齊開嘅小店又生意慘淡被迫結業收場，最後仲因為錢銀問題分手，婚都結唔成，作為朋友聽到真係好心痛。」提到今次拍MV的難忘事，Rona說︰「去到上環發現好多鋪頭都執曬笠，全條街都係招租嘅廣告，場面真係好震撼我心， 所以最後決定其中一個取景嘅地方就係直接係街到拍， 沿路行嘅全部都係空空如也嘅舖頭，其實都真係幾心噏。」
現時自資出歌的Rona，為了可以繼續推出新歌，早前連打兩份兼職，一邊做茶餐廳同時一邊做賣衫售貨員，她說：「打兩份工當然辛苦嘅，但我打工儲蓄就喺為了新歌《短期租約》可以去Avon studio 錄音，作曲方面我就再次用返《十四天》嘅創作班底，新歌想表達香港人面對經濟低潮苦況嗰種淡淡的無奈，所以用上只有全木結他作為編曲。」幸而Rona的付出獲得回報，新歌推出之後，反應不俗，不少網民大讚Rona聲音充滿感情，觸動了他們的心情，大讚是近期難得的佳作。
Rona自資出歌，更打兩份工！
其中有網民提到羨慕Rona可以看到靈體，其實今次她拍MV時，也遇到一些靈異事件︰「拍攝時遇到咁多靈界朋友我都係第一次，咁大個女未試過有『咁多人探班』，當時我都怕其他同事們會驚，所以過程中一直都無出聲，諗住事後先再講，點知燈光師忽然多口問我睇唔睇到有靈體喺附近，我都制止唔切佢發出咁危險嘅提問，隨即拍攝緊MV的攝影機突然出現離奇的故障，唯有再轉場景先可以順利繼續拍攝，真係有驚無險。」
Rona因為看到靈體，過去不時到《恐怖在線》同大家分享經歷。