Bell Bell離世，張頴康與麥雅緻哭紅了眼。
張頴康與麥雅緻的愛犬Bell Bell早前離世，二人傷心不已，他們辦理好Bell Bell的身後事，回家後開Live和大家一齊傾偈，分享今次Bell Bell離世令他們學懂了甚麼及感謝大家的關心，期間見到張頴康不時拿起酒杯喝紅酒。
辦完愛犬身後事，二人開Live分享感受。
直播中張頴康不時拿起酒杯喝酒。
今日張頴康在社交平台透露自己飲了「三日四夜」，經歷過這次「酒精馬拉松」之後，他決定重新出發︰「我不停同自己講，真係唔好再咁飲喇，Bell Bell會唔開心㗎！終於等到八點半練習場開咗，打咗兩個鐘！返到屋企再出去跑多二十分鐘！」
原來他借酒麻醉自己。
他續稱︰「原來做啲對自己身體唔好嘅事去麻醉自己，身體真係會唔好㗎（呢句說話係咪好廢呢？但係我真係而家先感受到）不過我一定會繼續鍛練返好自己嘅身體！然後，下晝再同老婆出去行吓，拍吓拖！大約六點就去食我哋好耐無食過嘅日本嘢！重新出發，係要行出第一步嘅！今日，我哋兩公婆一齊行出咗第一步喇！最後，我真係要好多謝大家對我哋嘅問候同鼓勵！因為你哋嘅支持，係我哋跨過每一個難關嘅動力！衷心感謝大家！」
兩公婆收拾心情後，食壽司撐下枱腳。
