高Ling與思貝因為新劇開拍出問題，未有新工作。
高海寧(高Ling)、蔡思貝及單文柔昨日為無綫兒童節目《Thing Big天地》宣傳。高Ling主演的新劇《童時愛上你》因劇本問題而停拍；思貝的新劇也因為王祖藍辭演，兩人同時等待公司安排未來工作，可謂非常黑仔。
高Ling指監製已解釋因為疫情問題，加上劇本想寫得更好而停拍。對於有指她難以駕馭扮演只得8歲智商的角色，她承認有壓力，並為了投入該角色，事前花了不少心思準備，包括與小朋友玩耍，揣摩他們的神情和動作。她說︰「壓力係大嘅，呢個角色做得唔好幾大鑊！我都成日過嚟《Think Big》呢個廠，同班小朋友一齊傾偈，其實同我想像中嘅小朋友好大分別，為呢個角色我都做咗好多功課。」她又認為公司對製作有要求也是好事，「依家拍咗佢當然唔係問題，但公司想更加好，寧願蝕錢都要延後，都係件好事嚟。」
等公司安排新工作
同場的思貝表示一向與小朋友有緣，在德國當過嬰兒保母，日前又有幫手湊賴慰玲的囝囝，形容當日獨力湊仔的感覺好夢幻。談到王祖藍因出任首席創意官而辭演與她合作的古裝劇，思貝表示對未能與祖藍合作感到可惜，並透露該劇的演員名單有改動，「我好似都轉咗，我都等緊安排，依家休息中。」
