家燕姐稱，很多朋友及圈中藝人接受她的「十字步」挑戰，但特別點名黎諾懿，認為他的十字步很特別和搞笑。
薛家燕(家燕姐)前晚現身電視城為節目錄影，談到羅志祥(小豬)被前女友大爆愛搞「不倫戀」及「多人運動」，家燕姐直言感到可惜，幾年前在電台有訪問過小豬，自己十分欣賞對方的舞台表演，她說：「小豬唱歌、跳舞都好，不過嗰時都發覺佢眼袋好黑、好大，我仲提醒佢唔好咁拼搏，仲問佢係咪工作過勞。」小豬當時回覆家燕姐說不要緊，因為已經習慣了。
對於這幾天小豬流出醜聞，家燕姐說：「佢已經同好多女士道歉，我覺得每個人都會犯錯，不過錯而能改先係最重要，佢道歉代表佢知自己做錯，呢件事對小豬影響好大，包括影響到佢響粉絲心中嘅形象。」家燕姐直言這次事件是很好的借鏡，「作為藝人除咗專注表演外，個人行為同道德方面都要注重，只要其中一方面走歪，就會影響所有人對你嘅印象、愛護，希望大家俾機會佢重新改過，做返一個大家會敬愛嘅藝人。」