Ad Block Ad Block
娛樂
2021-01-05 04:30:00
日報

江嘉敏玩高空飛索爆喊 趙慧珊邊游繩邊食雞蛋

分享:
江嘉敏慶幸朋友爭住請食飯。

江嘉敏慶幸朋友爭住請食飯。

江嘉敏(Kaman)、趙慧珊(Aka)、鄺潔楹、孫慧雪等,昨日出席方紹聰主持的新節目《野外步出》宣傳。幾位美女在節目中上天下海,大玩野外極限運動,像獨木舟、攀石、水上電單車、滑翔傘等刺激玩意,江嘉敏直言嚇到爆喊。
 

江嘉敏被安排玩高空飛索,她說:「個飛索唔係平,係斜落去,一定有離心力,所以我就好驚,企咗喺山邊平台成個鐘,不停喊。導演就話,再唔跳落去攝影機就冇電拍之後嘅節目,唔想第二日再嚟呢個山,就嘭一聲跳落去。」


唔記得密碼被凍結戶口
江嘉敏日前忘記了自己銀行戶口密碼,結果被銀行封了戶口,她說過了多天還未能重開:「我喺2021年1月1日唔記得銀行密碼,所有銀行戶口都用唔到,好彩新聞一報出嚟,好多朋友都話要請我食飯,我身上500蚊都未用過。」

趙慧珊在節目中嘗試游繩落山,同樣被嚇親:「太恐慌啦,我係咁喊,然後要等我心理關口過咗,先可以游繩落去。」她又稱游繩落山時要做高難度的事:「我哋要一邊落山、一邊食雞蛋,我一隻手拎雞蛋一隻手就要捉實條繩,嗰陣時真係個心跳出嚟。」

趙慧珊指,落山時石頭非常尖且大,游繩又兩邊搖,超緊張。

趙慧珊指,落山時石頭非常尖且大,游繩又兩邊搖,超緊張。

請接受以下私隱政策及免責聲明,以示你同意am730內之私隱政策及免責聲明。了解更多
接受