黃德斌表示開心與年輕演員合作。
Anson Lo與Edan在新劇搞hehe戀。
姜濤與Lokman在劇中要應付武打場面。
黃德斌、姜濤、吳綺莉、楊樂文(Lokman)等昨日為ViuTV劇集《太平紋身店》宣傳。有傳ViuTV將於月底開拍港版《大叔的愛》，並屬意黃德斌與MIRROR成員呂爵安(Edan)和盧瀚霆(Anson Lo)大搞hehe戀。黃德斌對此大耍太極，但言談間就漏口風表示正在等開鏡。
黃德斌表示最近忙於操fit身體，指要隨時做好演出準備。問到是否已答允演出港版《大叔的愛》，他說︰「未知，等佢哋公布啦！係有傾過嘅，好似想喺月底開工。(第一次拍hehe戲？)呢個係瘋狂式喜劇，我以前從未拍過。」由於劇情可能要咀男仔，德斌隨時要與Edan咀對咀。問到他在現實中可曾有相關經驗，德斌搞笑答道︰「咀BB仔算唔算？到時再算啦！如果我拍，你哋係咪會睇先？」他又指很開心可以與後生演員合作。
讚姜濤是可造之材
姜濤在《太平紋身店》中扮演德斌的兒子，Lokman則飾演年輕的德斌。他們在劇中要拍攝動作場面，姜濤稱這是他首次拍打戲，幸好沒有受傷；Lokman指拍攝時場面頗混亂，更不慎打傷了其他演員，坦言打戲難過跳唱。德斌直言對收視有信心，更大讚姜濤︰「佢好乖又叻，若果保持呢個態度，絕對係可造之材！」