湯怡表示，還未做好心理準備結婚。
英皇藝人湯怡、吳浩康及王浩信等，昨天到尖沙咀出席網絡頒獎禮活動。剛過生日的湯怡獲男友洪卓立送上巨型波波池作禮物，十分驚喜。
獲頒至強人氣網絡靚人的湯怡，前日剛過30歲生日，她透露男友送上巨型波波池，「生日前，我問佢使唔使著靚啲，最後都著咗條裙，點知一開門，見到好大個波波池，啲朋友就喺波波池入面，佢哋玩得好癲，癲過爭仔!（夠驚喜嗎？)已經好夠啦，如果求婚嘅話，我仲未做好心理準備，亦無計劃過，同埋以藝人嚟講，呢個時候結婚仲早，我會手足無措！」
吳浩康得到Live網絡人氣歌手獎，他聽到湯怡生日時，即向對方說「恭喜發財」，笑言比湯怡早入行，但也期待對方盡早派利是。問他可有計劃結婚，他直言：「女朋友係結婚對象，但要安排下，(女友可有要求要浪漫求婚？)我冇問佢有咩要求呀，驚達成唔到，同埋我個人冇乜創意，製造驚喜俾人通常都會俾人踢爆，一定要搵朋友幫手先完成到！」
王浩信預告請假陪女兒面試
王浩信獲網民投選為「人氣視帝」，他表示：「好開心，(會否增加在無綫奪視帝的信心？)大家諗多咗，不過真係好開心，過去一年忙唔停。」提到女兒將有第二輪小學面試，他揚言：「就算有工作都要請假，會同太太同個女一齊面試，以表誠意。」
王浩信強調會陪女兒出席小學面試。
吳浩康視女友為結婚對象。