蔡卓妍(阿Sa)昨日出席公司珠寶活動，提到自己的雪卵計劃，她表示已經完成首輪程序，但為穩陣起見，打算稍後會儲多一次，並直言自己的卵子質素ok。提到雪卵只能儲存10年，阿Sa希望可以在限期內取用。
阿Sa表示與阿嬌到日本遊玩，慶祝Twins出道18年。
為了今次雪卵，阿Sa只接一些簡單工作，避免太過操勞，她說現時腰肢粗了一個圈，待完成雪卵程序後，更會努力操fit自己，為8月的舞台劇備戰。問到為何要做多一次雪卵，她說︰「其實今次都OK，數量不過不失，但想再儲多少少，始終年紀都唔細，儲多一次就穩陣啲。依家個肚都仲係脹脹地，條腰痠痠地。」問到何時才使用，她說︰「想用嘅時候先用，我就係唔想諗先儲。(得10年期咋喎？)到時我都四十幾啦，如果去到50歲先生，真係想生都未必生到。」
她又分享到早前到台中日月潭時，因為計錯數而打錯針，嚇到她一身汗！她說︰「我計錯數溝錯藥，嗰度又冇診所，我驚到打返香港問醫生，佢叫我去診所買試紙，測試下啲卵子有冇流失，好彩冇，真係驚死！」她又直言首次打針感到恐懼，幸得醫生幫忙令她克服障礙。