《開心大綜藝》負評居多，網民覺得無綫炒冷飯。
曾志偉重返無綫後，著手大搞綜藝節目，並找來王祖藍擔任首席創意官。志偉非常重視的《開心大綜藝》播出之後，網上劣評多過正評。最近網上瘋傳志偉有意請年青人偶像加入節目《聲夢傳奇》，但所指的是曹永廉及蘇永康，因而成為網上熱話。
王貽興IG也貼上最近網上瘋傳的圖片。
不少人對無綫的《開心大綜藝》發文批評，王貽興亦在其社交平台撰文，指無綫不是弱台，而是弱智台。他寫道︰「查實年紀大唔緊要，最緊要唔好成日想當年，不思進取，盲目崇古稽古，將後生成功經驗無限複製，否定所有新嘢或者新興成功模式，但永遠老狗變不出新把戲，因為已經有錢上晒岸，所以脫晒節，自己又養尊處優回晒塘，就算後生成功過，而家都已經唔再了解。」
他又留意到志偉不停打鑼打鼓表示招攬人才︰「不過講真，老海鮮唔算最可怕，最可怕係扮潮扮包容嘅吸血殭屍，就好似《狂舞派3》嗰個局長咁，話就話畀機會新血，其實就係吸緊後生仔嘅血，不斷採陽補陰，將佢哋捉入自己個衣冠塚度，做活人祭，赤裸扼殺創意同活力獻祭，收編建制之內，要佢做自己接班人。」並叮囑自己「無論自己有冇權力或者影響力都好，都千祈千祈千祈（很重要講3次），唔好X阻住個地球轉。」
王貽興對無綫所謂的改革感到好笑。
最後他更打上hashtag「#權力使人腐化 #年紀令人唔化 #反面教材 #每日警醒自己 #我要做最open最前衛嘅叔叔 #一見到蘇泳康嘈永cheap真係嚇到縮一縮 #早知我都搵個出名嘅外父嫁咗去入贅 #少奮鬥卅年 #或者吸毒勒戒令我人生更精彩 #唔