盛‧舞者｜9分鐘跳舞片一鏡到底拍攝 方紹聰Gordon揭背後辛酸

無綫於明晚十時半播出集合全港熱愛跳舞精英的綜藝真人Show 《盛‧舞者》。來自不同界別的舞者，以不同舞種，不分年齡、國籍，由文化中心跳到饒宗頤文化館、再跳上大型躉船等多個不同別具香港特色的地方。

無綫今次不惜工本炮製的11集節目，動用近百的攝製隊工作人員，籌備足足三個多月。第一集長達9分鐘的Opening狂舞片，以一鏡拍攝介紹參賽者出場，各參賽者分別以個人及組合姿態在鏡頭面前穿梭熱舞。單是這條opening片段，攝製隊為求盡善盡美，連續五天早上開會，再緊接晚上通宵場地視察，在文化中心排練鏡頭走位，之後再用接近一天的時間正式拍攝。據知，為了能更緊貼舞者舞姿，所有鏡頭走位幾乎九成人手操控。

 

有份參與是次拍攝的天堂鳥Gordon（葉泓聲），大讚攝製隊專業，他指為求完美，一班參賽者也是日排夜排：「今次拍攝真係好興奮，一大班舞蹈員好齊心、好集中精神、唔怕攰咁由凌晨開始排同拍；因為攝製組想捕捉日出一刻，我哋就只得好短時間去完成任務，所以之前我哋排過好多次，排舞室正式練咗2至3日。」

之前完成6日5夜赤腳步行創舉的方紹聰（奶仔）亦是是次參賽者，他透露拍攝當日困難重重：「Call Time係凌晨12點，跟住就03至 06不停Full Set綵排咗20次左右。最難係攝製隊，佢哋要記好多走位，啲機又要擺喺唔同嘅設備上面。」奶仔又指在文化中心等「冇人時刻」好難，所以團隊要抓緊早上6點至8點這段黃金時間不停搵位拍攝：「去到最後我哋都跳到冇乜力，但見到幕後依然咁專注，我哋就有番力量。」