![]()
電影版《真‧三國無双》，定於本月29日在港上映。網民一致讚賞林雪神還原「董卓」，無論在造型、以致電影中的演繹，都演活了性情殘暴、荒淫的「董卓」。不過神還原的背後其實非常辛苦，經歷炎夏外景及悶熱廠景拍攝的雪哥更形容係折磨。
![]()
拍披甲上陣的戰爭打鬥場面，雪哥演繹得極威武，但其實他身穿的黃金戰衣相當重，又要拎住巨大的鋸齒刀策馬殺敵，少不免損手爛腳，幸好情況不嚴重，雪哥謂整親時都係得個忍字：「講唔辛苦呃人啫，辛苦到X街添呀。喺新西蘭騎嗰啲馬係本身野外放牧，冇咁易馴服，一轉彎直情想將我成個人拋落地，扭親條腰，好在側邊有個當地馬伕扶住我，不過拍出嚟真係好好睇，辛苦都值得。」
![]()
雪哥以往拍戲較少涉女色，這次因為飾演好色暴君「董卓」而艷福不淺，他稱拍《真》片時正值暑假十分酷熱，拍外景固然熱到抽筋，開廠景又無冷氣，所以拍攝被幾位艷女大包圍的廠景戲份，雪哥揚言都係頂唔順：「啲女着到『薄切切』，大家出晒汗，人有體味，嘩！真係頂佢唔順！幾靚女都好，你話我開唔開心呀？我覺得係一種折磨，啲體味搞唔掂，你唔好見我咁肥咁輪盡，我人就唔挑剔，但味覺幾挑剔。」
![]()
