ViuTV首屆音樂頒獎典禮將於下月舉行，首輪投票活動於今日晚上12點截止。剛離開華納的許廷鏗過去一年在多個樂壇頒獎禮橫掃多個獎項，下月能否再下一城，充滿未知之數。
上周ViuTV公布他與鄭中基及Jer跌入告急榜，今日許廷鏗在網上作出拉票呼籲，表示對於有關樂壇發生的盛事，依然會緊張及期待，「至少證明仲係有團燒緊嘅火，亦慶幸做咗十年都無滑到啞，做音樂先決條件是要做得快樂。」他表示開心見到樂壇近年多了很多後起之秀，自己也很喜歡與不同音樂人合作，「咁熱鬧絕對係好事，我亦有開放自己嘅眼同耳去認識佢哋，我相信大家都一樣有。」
對於今次ViuTV的頒獎禮，許廷鏗認為「全個頒獎禮都係全民投票都係一件從來未發生過嘅事，而且係第一年搞，我相信有用心的平台都要靠大家大力支持，去帶黎更多衝擊同轉變。不論製作嘅、参與嘅，都好需要大家支持，投邊個都好，最緊要反而係都需要投。」