今日下午沙田爆發警民衝突,期間有速龍小隊截查在場記者,要求他們出示證件,有記者展示記者證,但警員見到上面寫著「亞洲電視數碼媒體」隨即質疑記者身份,並謂「亞洲電視?執咗㗎啦喎」。該記者隨即答道︰「上網睇啦!而家有直播睇㗎!」最後警員無奈,只好敗走。
事後亞洲電視數碼媒體的Facebook專頁把有關片段截圖,留言謂︰速龍sir可能太忙,頭也不回走了,我哋會繼續努力,做好報導。」更自抽寫道︰「我地可以永恆,都係當所愛係你。大家可唔可以賞面「讚好/like」我地個page呀?多謝支持。」之後不少網民引用《愛是永恆》的歌詞作回應,又指今次警方幫手宣傳亞視。