Am730
造美人|被男友嫌棄花40萬整容 參賽者芷橋崩潰:教我點樣愛自己
2021-06-07
news-images
1號參賽者芷橋因被前男友嫌棄,曾花40萬整容。

由強尼、沈殷怡、練美娟擔任主持的ViuTV另類選美節目《造美人》於今晚首播,節目結合選美和真人騷,從16位參賽者中選出12位入圍,接受為期3個月的飲食調校、身體塑形訓練課程,部分佳麗更可自選在訓練期間參與醫學美容等相關療程,其間更有大大小小不同的活動、集宿和考驗。

news-images
芷橋面試時情況。
news-images
2號參賽者 Kathy順利晉身12強。
news-images
芷橋獲讚有自信時,一度爆喊。

首集共有7位參賽者登賽,逐一在評判面前展現愛美的決心,其中話題十足的1號參賽者芷橋透露,「呢幾年花係外表嘅費用高達30至40萬,當中包括join gym、箍牙、割雙眼皮及隆鼻。」被問到為甚麼整容 ? 芷橋指曾遇上性格很夾的男生,「但佢最後都唔要我,因為我唔夠靚、唔夠瘦,以前我讀大學已經俾人bully,我的外表和身材。到我返工,將私影相擺喺Social Media,又俾人笑我外表唔得,我要做到一個合格的女人,或者一個特別嘅女人,我真係需要更多努力去變靚,我先有資格成為一個女人。」大會為測試參賽者的心理質素,安排一班「Mean精」品評每位佳麗,芷橋慘被評為整容失敗、肚腩大、有妊娠紋,當被指「有自信」時,她在台上容然爆喊:「我真係好開心,有人話我有自信。」最後芷橋要留守等候區,情緒一度崩潰:「我都想堅強,我都想愛自己,可唔可以教我點樣可以愛自己,點解我要係女人,我唔想做女人呀!」

news-images
6號OK 順利晉身12強。
news-images
任職空姐的5號參賽者Georgia,嫌自己鼻型不夠好,曾打透明質酸,導致爛鼻兩個月。
news-images
6號OK戴眼鏡面試,她自言糊里糊塗參加了選美。
news-images
3號參賽者AB順利晉身12強。
news-images
6號OK 的傻大姐個性就令專業團隊哭笑不得。
news-images
4號參賽者Meiko被評判指惡形惡相,似「女版KLau」

任職空姐的5號參賽者Georgia,自言皮膚不夠白,眼不夠大,鼻不高,「最唔滿意係自己個鼻,曾經因為唔滿意鼻型,去打透明質酸,因為溶解劑同第二支針撞咗,半邊鼻發炎,導致爛鼻,兩個月唔可以見人。」專業團隊就認為Georgia鼻子的問題唔算大,改造空間較少。不少網友指她樣貌不錯,毋須大執也屬靚女,Georgia與芷橋暫未能晉身,一齊留守等候區。

最後出場的參賽者6號OK 的傻大姐個性就令專業團隊哭笑不得,OK指:「我之前一直喺地盤返工,咁風吹雨打,日曬雨淋,搞到我塊面好多斑,想透過節目執返靚個人。」她又指自己唔知道自己參加咗選美節目,糊里糊塗就入了十六強,令全場大笑。專業團隊評論若果要OK變做美人,基本上等於要做一架穿梭機的工程。她與2號的Kathy、3號的AB、4號的Miko、一同晉身12強。

Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多