鄭少秋指，不擔心與惠英紅打對台，陳錦鴻與鄧萃雯互讚對方是好演員，因此合作愉快。
鄭少秋、鄧萃雯、陳錦鴻等，昨日參加ViuTV全新節目巡禮，鄭少秋再次拍劇，即被問到播出時，會否害怕「丁蟹效應」令股市大跌，他笑言不擔心影響股市，鄭少秋說：「個詛咒幾年前就破咗啦，依家鄭少秋出嚟股市就會升，你哋記得要買呀。」談到新劇正與由惠英紅、姜皓文及袁偉豪主演的《鐵探》打對台，問鄭少秋有否信心收視贏對方，他說：「兩齣劇嘅類型都唔同，應該冇咩影響，各有各的觀眾。」
陳錦鴻介紹男朋友俾鄧萃雯
陳錦鴻笑言自己借拍劇，過了夢想的生活，他說：「就係有一個老婆，外面有好多女朋友，現實唔得㗎嘛，拍劇可以試下，幾爽。」鄧萃雯表示，是次的角色與她本人的價值觀十分不一樣，她說：「因為我仲未結婚，所以我對婚姻仲有希望，為咗呢部劇集，我仲特別去問唔少結咗婚嘅朋友，結果原來唔係我諗咁樣。」陳錦鴻就大讚鄧萃雯演繹很出色，並說：「我要介紹男朋友俾雯女。 」