陳煒(煒哥)、湯洛雯等，昨日於電視城為節目錄影，二人順道宣傳新劇《法證先鋒IV》，煒哥指，雖然拍此劇非常辛苦，但出來效果甚佳，而且還有些少褔利。湯洛雯則稱，自己在劇中的身材不連戲，因為開拍初期她剛開始減肥。
提到新劇《法證先鋒IV》播出一星期，煒哥表示：「一直都緊貼住觀眾嘅評論，大家都重視呢部劇，我男朋友就大讚製作認真，好似啲假傷口，佢話做得好似，啲動畫又好靚，自已都覺得非常精彩。」煒哥笑言拍攝時都有眼福：「因為要面對一啲半裸男扮死屍，佢哋啲肌肉線條練得好靚，雖然拍攝好辛苦，不過都有少少褔利。」
煒哥與湯洛雯年齡相差一截，但被讚似兩姊妹。
學韓國女團跳舞Keep Fit
湯洛雯表示，很緊張《法證先鋒IV》完成的模樣：「因為拍完之後都未睇過，睇完覺得比想像中好。」她直言拍攝時非常緊張，東西也沒怎麼吃，又怕自己不夠漂亮：「啲鏡頭真係拍得好靚，自己都好滿意。」湯洛雯透露，劇中有些場口身材可能不連戲，「因為拍攝初期只咗減咗少少，到最後慢慢瘦，依家努力keep住身形，因為時間多咗，運動都做多咗，仲會睇住韓國嘅女團學跳舞keep fit。」