Am730
黎明演唱會|早餐界KOL鬥爆金句 張敬軒自認是忠粉合唱《我的親愛》圓夢
2021-07-18
news-images
Leon與軒仔合唱《我的親愛》,經典的招牌動作少不了。
news-images
張敬軒High爆擔任黎明演唱會嘉賓。

黎明(Leon) 昨晚(17日)於紅館舉行第八場演唱會,找來張敬軒擔任嘉賓,兩位「早餐界」代表人物, 一個是「唔可以空肚食早餐」,另一個是「食完早餐都空肚」,一唱一和爆金句,自認是Leon忠粉的軒仔,與偶像合唱經典快歌《我的親愛》圓夢,他們更high爆走勻全場跳經典手勢舞。

同屬「南北混血兒」

Leon表示自己媽媽是北方人,爸爸是南方人,而軒仔剛好調轉,軒仔笑說:「我哋都係南北方嘅混血兒。」然後他又對Leon說:「你就唔可以空肚食早餐,而我就食完早餐都空肚!」Leon問點解?軒仔說:「屋企請咗個十分優秀嘅家務助理……」Leon恍然大悟。軒仔續說:「所以我哋上次食飯嘅時候,我咪食好多,食咗兩份。」Leon感嘆:「有時真係可以練到EQ!」全場爆笑。

news-images
黎明與軒仔兩位早餐界KOL大爆金句
news-images
Leon派心。

軒仔:黎明係取體貼的前輩

原來軒仔是Leon忠粉,他形容能夠站在Leon演唱會舞台上,猶如坐時光回到最開心的快樂時代,感激黎明讓他在這個美好回憶中再嚐到一點甜。他表示,

以前聽前輩教導要跟偶像保持距離,保留幻想空間,「直至我同Leon近年食過一餐飯,之後才開始有聯絡。終於印證到,我2002年入行,行內每當有人提到黎明,大家都會話『佢真係好好人』。的確,Leon係我遇過、相處過嘅前輩最體貼嘅人。」他又笑言:「我一直稱呼佢黎生,但佢叫我嗌佢Leon,我心諗,一嗌Leon,就想叫自己做阿May,我覺得今晚係好夢幻嘅一晚。」

大合唱「Sayonara o Sayonara o」

兩人合唱前Leon問唱咩歌?軒仔大賣關子:「我識唱晒你所有歌曲,今晚揀咗一首你好少喺公開場合唱嘅經典歌。雖然因為疫情唔可以同觀眾握手,但呢首歌都可以同大家互動,大家一定識唱同埋識做動作。今晚可以同你合唱呢經典名曲,我圓夢啦!」前奏響起《我的親愛》,全場歡呼,軒仔問觀眾:「各位阿May準備好未?」全場觀眾立即站起來,齊齊做動作合唱「Sayonara o Sayonara o」。

Ranking
See AllAm730
See AllAm730
See AllAm730
See AllAm730
Am730
尋找家香情|前國家女排隊長孫玥為愛嫁來香港
Am730
Am730
聲夢傳奇|炎明熹靠復活賽晉身五強 文凱婷眼發炎帶傷應戰被淘汰
Am730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多