蕭正楠(Edwin)、林夏薇、蔣家旻、黎燕珊及劉佩玥等，昨日出席劇集《十二傳說》宣傳活動，並在某酒店泳池進行水戰。不過一眾女藝人都以T恤、短褲上陣，非常密實，就連Edwin也以長褲上陣，毫無睇頭！
林夏薇雖沒落水，但就露出內裡的淺色比基尼泳衣，而Edwin就穿上長褲比她更為密實。Edwin自爆沒穿內褲︰「咁係咪會性感啲?因為我得一條底褲，洗咗冇得換，翠如去咗澳洲拍旅遊節目，屋企冇人洗，要限住自己著。」同時他又透露有多位女藝人不舒服及不方便而沒有下水，又指自己有點肚痛怕弄污池水。他說︰「一陣間落到水睇吓有冇啲黃色啦。」旁邊的林夏薇言即怕怕：「你咁核突，我唔落水。」
全場僅得蔣家旻與李君妍下水激戰，蔣家旻說因趕時間，只換上了泳褲就落水，而上身只穿黑bra外加T恤，玩完遊戲就用風筒吹乾內衣。問到可擔心走光？她笑說唔驚，反而驚泳池水深，她不懂游泳，之前拍旅遊節目要學潛水，潛落三米深已經緊張到唔識呼吸。