Ad Block Ad Block
娛樂
2017-06-27 17:33:00

【即時如樂】雙宋峇里島遊偷拍捱轟 節目組道歉

分享:

韓國人氣劇《太陽的後裔》男女主角宋仲基同宋慧喬,本月初被目擊一先一後離開峇里島,傳出疑似密會,雖然雙方經理公司已出面澄清緋聞,但韓國MBC節目《Section TV演藝通信》仍死咬唔放,日前更派攝製隊到當地調查宋慧喬下榻嘅獨立Villa,又搵到酒店員工爆料指,有位戴口罩男子頻繁出入房間,令緋聞再度瘋傳。但今有韓媒爆出,峇里島酒店方面怒指節目係非法採訪,電視台偽裝成韓國旅行社職員,喺未經許可下拍攝。而該節目喺25日播出預告後,不少觀眾批評節目侵犯藝人隱私。
對此,節目組澄清佢地並冇直接到峇里島採訪,只係託當地認識嘅人去確認,相片亦係由佢地提供,聲稱絕對唔係偷拍,「假如有過分採訪嘅情況,我地非常抱歉。」但佢地仍堅持喺7月1日播出該集採訪內容。

請接受以下私隱政策及免責聲明,以示你同意am730內之私隱政策及免責聲明。了解更多
接受