Ad Block Ad Block
娛樂
2020-02-19 22:20:00

【小心玻璃心】hmv數碼中國FB出PO抽一哥水

分享:

早前警隊一哥鄧炳強出席明星足球隊晚宴時,席間興奮表示自己說話叻是因為曾志偉的《開心字典》,並謂「我做警察係因為成龍大哥、方中信,全部都係學你哋,我唔知點做警察,睇吓睇吓就識做。」事件引起公眾譁然。 其後hmv數碼中國在其官方Facebook出帖,寫道︰「傳說睇吓電影就可以學識做警察,唔知睇完呢幾套電影之後,又會學到做乜嘢角色呢?小編都要落足心機睇吓先~」之後又推薦了《志明與春嬌》、《龍咁威 2003》、《逃學黐孖咇》、《神經俠侶》。

hmv數碼中國的Facebook向來緊貼時事,今日上載《龍咁威 2003》電影截圖,並留言︰「唉~以前炒樓,依家炒口罩搓手液、同埋炒魷魚。最離譜有人為咗發國難財,乘機呃錢,點解會搞成咁?政府又做過啲咩?」絕對不放過任何一個抽水宣傳的機會。

請接受以下私隱政策及免責聲明,以示你同意am730內之私隱政策及免責聲明。了解更多
接受