奧斯卡影帝里安納度狄卡比奧(Leonardo DiCaprio)夥拍瑪歌羅比(Margot Robbie)及畢彼特(Brad Pitt)，合演鬼才金像導演昆頓塔倫天奴(Quentin Tarantino)嘅新戲《Once Upon a Time in Hollywood》，里安納度更為此加入魔鬼減肥訓練營，展開鏟肉大計！
43歲嘅里安納度已兩年幾冇拍新片，今次佢有赤裸上身鏡頭，加上唔想俾畢佬比下去，要急急腳減肥，主要以擇善而食及每日做數百下掌上壓。餐單謝絕意粉、甜品等，亦唔可以吸煙。但消息人士透露，「如果冇人睇住，里安納度會立即偷偷地揸車去麥當勞，食個痛快！」