【新人王擔正】傳英國女歌手Dua Lipa唱「占士邦」主題曲

過去一年橫掃歐洲音樂頒獎禮新人獎，今年5月1 日來港開騷嘅「新人王」22歲英國女歌手Dua Lipa，傳出將會主唱第25部「占士邦」電影主題曲。據英國《Evening Standard》報道，可能係最後一部由英國男星丹尼爾基格(Daniel Craig)主演嘅第25部「占士邦」(James Bond)電影，暫名叫《Shatterhand》，至於電影主題曲亦係焦點之一。報道指，最新占士邦電影主題曲大有機會由新人王女歌手Dua Lipa主唱。其實這齣最新占士邦電影主題曲大熱主唱者，就有天后Adele及創作男歌手Ed Sheeran，不過前者已唱過占士邦主題曲；後者最近就冇Dua Lipa咁高人氣，所以Dua Lipa主唱嘅機會亦相對大增。不過Ed Sheeran就非常恨唱占士邦歌，佢話 : 「我已用了3年時間來準備主唱占士邦主題曲了。」