賭王何鴻燊二房千金何超儀沒有如她的家姐一樣，投身商界，相反加入娛樂圈，在93年以歌手身份出道，但一直未有留下令人深刻作品，之後一度暫別樂壇，轉戰拍電影，更獲得不俗成績。然而，她未有放棄過音樂，曾推出個人專輯，又組成樂隊Josie & The Uni Boys，由於曲風甚具個人特色，反而引起不少人注意。日前她與盧巧音在ViuTV節目《歌手．門》憶述當年被唱片公司老闆鬧爆一事，她直言當時人生完全沒有希望。
超儀表示當年加入華星，她唱過的歌有一半是自己喜歡，另一半是唱片公司「想俾我唱嘅嘢。」因為她一次在台上表演失準，遭當時的新老闆寸爆︰「我哋唔可以容許有一個走音嘅歌手喺華星，我哋嗰啲歌手全部都係喺歌唱比賽拎冠、亞、季軍，佢哋冇走音㗎，不如咁喇，其實我哋都可以滿約。」她續求對方給予機會，沒料到對方堅決落閘︰「佢仲話我唱歌冇乜天份，如果我仲堅持唱歌，應該係成世咪嘴。」她表示自少喜歡唱歌，縱使遭唱片公司炒魷魚，仍會堅持學唱歌。
超儀表示曾有想過生育，但因為有太多狗要照顧而打消念頭。
她指當時人生完全沒希望，直到遇到LMF，獲他們邀請當和音，更非常感激爸爸及家姐的鼓勵和意見。之後與KB李健宏在10年另組樂隊「Josie & The Uni Boys」，KB與樂隊其他成員坦言開初對超儀有所保留，然而相處下去發現對方原來平易近人，很隨和。
KB與其他成員直認開初對超儀的印象不太好。