無綫視后胡杏兒在ViuTV劇集《熟女強人》演性治療師，為人診症解決婚姻兩性問題，卻是能醫不自醫，她與戲中老公朱栢康昨晚上演一場「攤牌」戲，劇集播出後，不少觀眾大讚劇情到肉，兩人演技有發揮。
在劇中的胡杏兒為成就老公的演藝夢，一直以女強人姿態努力賺錢，借「女主外、男主內」的婚姻關係，拉遠兩夫婦的距離，老公出軌偷食陳逸寧。昨晚一集講述朱栢康斷正被揭穿搞婚外情，氣難忍的杏兒決定與老公攤牌，兩人盡吐心中不快，男方數算妻子對照顧女兒返學讀書等細節一概不知，朱康怒問：「你知唔知個女讀幾年班？考第幾？鍾意食乜唔鍾意食乜？」杏兒極怒反擊，直言因老公只顧追夢，對屋租、差餉、油錢、隧道費和學費都不知價，只靠她一力承生活費，「我哋喺現實生活嘅人係要用錢㗎！咁多年嚟我喺出面做嘢，失去咗幾多同個女相處嘅時間，呢個係我一生人嘅遺憾，我返唔到轉頭！」最後，她決絕提出離婚並將婚戒還給丈夫。
朱康出軌偷食陳逸寧。
杏兒為成就老公演藝夢努力膁錢，卻遭嫌棄不理家庭。
劇集播出後，不少網民大讚兩人演技爆發，交出貼地好戲，杏兒亦收到不少朋友私訊讚「好感動、好激、好痛快！」她憶述，為了培養情緒和記熟對白，兩人分別獨坐一角，怎知因機件問題久久未開機拍攝，「等咗好耐，但腎上腺素就不停谷，谷到胃好痛，我同導演講頂唔順，可唔可以快啲，因為就來要嘔啦！最後呢埋場戲拍咗2 take，導演2take 都收貨好順利。」
同時，杏兒感激遇上可信件的對手朱康，「呢場戲係兩公婆各自去數對對方不滿嘅心底話，因為一直以來佢哋都有心病但各自收埋，大家喺個一刻就爆晒出嚟！」談到夫妻相處之道，杏兒直言：「最緊要坦白同溝通，大家咩都拎出來講，所以我同老公每日都會傾計。」
杏兒培養情緒谷到胃痛。
兩人認真讀劇本。