杜汶澤在網台節目曾經提過老婆田蕊妮足不出門一個月，笑言在家中常因小事被阿田責罵，搞到影響夫婦感情。除了要陪愛貓Momo覆診令阿田出門之外，她其餘時間都留在家中打坐及煲劇，近日更加入在家調理農務，生活依舊多姿多彩。
昨日她在網上分享在家中的行程，及玩健身環的照片。她留言說︰「雖然好耐無出街，但係我每日係屋企都好忙！朝早起身首先同momo請安，照顧我嘅農作物，早餐，打坐，午餐，睇書中間會用電話傾下工事，打機，晚餐之後就煲劇，臨瞓前睇下Facebook & YouTube咁就一日架喇！」有網民留言表示健身環很好玩，阿田回覆道︰「我成個身都痛呀」
阿田早前開Live同大家分享打坐心得。
阿田玩健身環，阿澤就分享在家中踩單車機，他說︰「好彩阿叔早有準備，上個月訂咗部平價單車機返嚟，日日咁煮嘢食法，14日後真係肥到你老母都唔認得你......買唔切？咁你買條繩跳下都好呀！真係冇辦法，咁就幫手做家務啦！係撚咁拖地囉，洗曬啲碗囉。唔好俾藉口自己，係咁兒都郁下啦！」無他，健身室、運動場等設施都關閉14日，戶外做運動又怕中招，如阿澤所言「唔好俾藉口自己，係咁兒都郁下啦！」
