方紹聰形容被爆樽感覺︰撼頭埋牆一樣。
《18年後的終極告白》昨日播出第二集，劇情講到楊秀惠到陳山聰開的酒吧消遣，其後被何啟南欺負，陳山聰見狀便英雄救美，當中少不免爆樽情節。
劇中陳山聰見扮演何啟南手下的方紹聰沒禮貌，於是拿起酒樽扑向方紹聰的頭部。爆樽情節大家看得多，但大家對這些道具玻璃樽又了解幾多呢？方紹聰在網上和大家解構一下︰「拍攝動作用玻璃樽道具分兩種，一種是蠟製、另一種是糖膠製。糖膠玻璃樽比蠟製玻璃樽強度硬很多，像真度也高很多。香港目前僅有少數道具師懂得製作優質糖膠玻璃樽，每個要價約500至600元。」
陳山聰一手拎起個樽扑向方紹聰。
咁就無咗5、6百蚊。
方紹聰被爆樽之後，一度企不穩。
他又提到自己入行十年，這是他首次拍攝被人爆樽的戲份︰「這一場戲，為了配合不同的拍攝角度，我總共爆了兩個糖膠玻璃樽。入行十年，第一次玩爆樽，個人感覺，係痛既、會暈既，力度衝擊感就像亳不留力、撼頭埋牆一樣。但最重要還是要看對手爆樽的功架，如果爆樽的角度太接近樽底，痛楚會加大十倍；玻璃樽爆開之後如果手拖下去，糖膠玻璃碎有可能割傷皮膚。」同時，他又大讚陳山聰表現專業︰「被他爆樽我感到很安心。如果比我再揀多次，我都會再俾佢爆。」
何啟南亦都向陳山聰掉樽，又冇咗5、6百蚊。