陸浩明(6號)早前在節目《#後生仔傾吓偈》討論「防疫意識」話題時，提到03年爆發沙士，錯講「香港是那個病毒的源頭」，惹來網民圍插。6號先後兩次在網上發文道歉，馮盈盈亦在網上承認大家錯誤，表示會改正。昨晚6號為節目錄影前，再公開道歉，更一度流下男兒淚。
曾與6號一起主持《#後生仔傾吓偈》的麥明詩，今日在網上以「別太鞭屍」為題的長文，為6號求情，並盼大家能夠把關注放在真正黑心、沒道德及埋沒良知的人。她寫道︰「Ben sir話齋，唔講嘢冇人話我啞；我亦都知道我講嘢對我冇任何好處、唔討好、攞唔到光環，但或許我現在比較少顧慮，所以忍唔住講多句：真係希望大家可以把槍口對翻准啱嘅位置。」並以香港大學醫學院院長、公共衞生學院講座教授梁卓偉「戴口罩講唔到嘢」論作為例子，指對方即時道歉，認為「起碼算係(比較)有承擔，係咪要chur住佢唔放呢。」
麥明詩表示6號一直專注香港市場、專注做廣東話節目的主持。
她續寫道︰「陸浩係我合作咗幾年嘅前輩，說實話佢一直照顧後輩，有幾次我同fyy出大show出錯佢都幫我地補獲carry我地；當然，講到良知嘅時候唔可以被私人感情左右；佢呢一次佢固然係大錯特錯，但佢緊接講錯嗰句之後，佢係話『係因為有個廣州人喺內地食…』然後yy話『係佛山』；資料都未必係啱，但係可見應該係一個口誤，佢當時應該係知道由內地傳落黎。
「當然，呢個口誤好嚴重、佢責無旁貸；而陸浩亦即刻出黎道歉。大家可能對於佢同某些其他前輩嘅關係而有所意見，比較圓滑係佢做人處事嘅方式，但係佢點都係一個試過喺《後生仔》大嗌『唔好搞我後面』、一直專注香港市場、專注做廣東話節目嘅主持。」
早前麥明詩在一專頁上，曾為6號開腔。
早前她未看片稱6號係曲，她在文中也有提及︰「佢係錯，而我之前未睇清楚段片就評論咗都係錯，剪接組冇修正係錯，字幕組照配字幕係錯... 但希望大家關注咗呢件事之後，可以將關注放喺啲真係黑心、不道德、埋沒良知嘅人上面。謝謝」並指「會向監製表達，應該係節目上面澄清番」。最後她以謀殺及誤殺作為總結︰「補充：唔係話道咗歉就等於冇事，絕對係有事；講一個比喻，殺人都有分謀殺同誤殺；誤殺所做嘅傷害都係永不磨滅，但比起謀殺，誤殺唔deserve坐同樣甘多年監。佢絕對需要面對同埋承擔後果，但更應該需要面對同承擔後果嘅應該係謀殺嗰啲人！」