【即時娛樂】憑日劇《交響情人夢》「野田妹」一角深受歡迎的日本女星上野樹里，去年同大佢10歲的樂隊Triceratops主音和田唱閃婚，不過原先她答應拍攝嘅新劇《我是命運的人》卻傳出臨時辭演，令製作單位措手不及，至於辭演原因眾說紛紜，有傳佢嫌酬勞低、亦有指佢唔願意同唔太識演戲嘅男星合作，更有傳日本電視台受唔住她嘅任性，決定封殺她。由於該劇原先鎖定女主角係長澤雅美，但佢有意赴美進修，第二人選北川景子亦冇檔期，最後考慮上野樹里，儘管先前傳出佢「擺款」，但電視台睇在佢演技上仍決定揀佢，點知佢臨時辭演，最後女主角一角由木村文乃補上。