Ad Block Ad Block
娛樂
2021-01-04 22:53:00

伊健新年出新歌 與蘇麗珊載歌載舞

分享:

鄭伊健在新一年先拔頭籌推出全新歌曲《STRONGER》,配合他為金融集團拍攝的新一輯廣告,為呼應歌曲充滿活力輕快調子,導演特別找來蘇麗珊與80位年輕舞蹈員載歌載舞一起拍攝。

面對著現場如此龐大的舞蹈團,蘇麗珊也感到十分雀躍,她說:「從來冇想像過可以同咁多咁專業的舞蹈員一起合作演出,好似紅館開演唱會一樣,希望將來我都有機會喺舞台上同咁多舞蹈員演出。」

伊健也說:「其實紅館開演唱會都冇咁多舞蹈員,平時大概二十人左右,所以今日真係好開心,咁多年輕人一齊跳,大家都付出好大嘅能量。不過衫靚就唔好跳,鞋靚就唔好著,蘇麗珊你就好啦著波鞋,好似我今日著呢對鞋就係又重又難郁,所以跳舞時真係有苦自己知。」

伊健指出,因為疫情原故,所以他們拍攝時也非常小心,做足安全措施,伊健説:「好開心大家可以一齊工作,大家都有工開有嘢做。睇住大班年輕人一齊喺陽光下跳舞,就好似我哋同香港人一齊經歷,無懼挑戰難關咁樣。」

請接受以下私隱政策及免責聲明,以示你同意am730內之私隱政策及免責聲明。了解更多
接受