最近有網民拿出林敏驄作品，並留言謂︰「從前佢真係好有才華，填過無數靚詞。個人覺得佢有首歌叫：《自你去後》，相當好聽。」之後引起不少網民討論，沒料到林敏驄現身留言回應。
有人留言說道︰「因為當年上位太快，導致驕橫跋扈，得罪太多人了！就好似當年幫校長咁多首經典金曲作詞，理應可美言幾句都可以有餐安樂茶飯食下！洗乜搞到現在咁丫！」林敏驄回應︰「請問, 搞到現在點呢？」之後亦有人寫道︰「佢自己講；當年作首幻影大紅；根住開價十萬作一首；俾到幫你作；俾唔起收線；今日結果收左皮！」林敏驄說︰「傳說不用盡信，收皮是樂壇不是禾。」
有網友拿出林敏驄多年前的作品，引來大家熱烈討論。
另有人留言說︰「佢近年呢幾年仲有作詞(X伯嗰首上屆世界盃主題曲同王菀之《花花草草》)，不過已經大幅減產兼且功力已經不如前。」林敏驄︰「謝謝，大幅減產並非本人問題，功力已經大不如前 是 閣下的個人想像。」林敏驄於八十年代的作曲、填詞作品甚多，無論是哪一風格都能駕馭，但踏入90年代後作品大幅減少，他曾謂「於填詞界五年已寫盡別人一世寫唔到嘅嘢。」林敏驄近年鮮有作品，他曾在電台節目說道︰「因為我對文字探索，乜都試過，挑戰性唔高，寫得好係應份，咩都贏過囉，呢度已經無嘢滿足到我，咪做第二啲嘢。」
林敏驄現身回應。
有網民指林敏驄大幅減產是因為江郎才盡，但林敏驄否認。