無綫用《開心大綜藝》對撼ViuTV的《最後一屆口罩小姐選舉總決賽》，被視為電視大戰序幕。早前宣布停工的保錡今日與ERROR三位成員一同現身，但他全程扮蠟像不發一言，其餘三子接受訪問時，保錡只能站在他們身後繼續扮蠟像。
193指保錡剛從雪櫃出來，一見到記者會處於「冰封」狀態，但在舞台上便會「溶雪」。問到保錡是否最後一次以組合現身，肥仔表示ERROR的節目將於5月播出，所以仍有一段時間見到他們4子。
提到無綫以《開心大綜藝》對撼，肥仔說︰「從來都冇擔心打唔打」又指兩台的觀眾層不同，193則寸爆無綫只是讓老人家看，「做好自己就有人睇，收視得幾百部電視機，我哋不嬲都唔理。」對志偉稱ViuTV只可與J2比較，193則謂︰「J2咩嚟㗎？後生仔傾吓偈嗰啲？40幾歲仲後生仔？」肥仔隨即扮志偉說︰「打和！Super！多人睇電視梗係最好，帶領人返屋企撳電視睇。」