傳周星馳秘婚 莫文蔚︰佢都一把年紀啦

莫文蔚昨日出席藝術展，她表示回港只逗留1、2天，連她的老公也有微言。她說︰「我哋試過成個月無見！最近有見過，今個月初係佢生日，我仲送咗個佢鍾意嘅卡通人物嘅嘢比佢。」她表示年底完成各地及香港站巡唱後，便會專心留英國陪老公。

提到舊愛周星馳已婚，莫文蔚表示不清楚。她說︰「唔知佢呀，佢咁神秘，你問返佢。可信性就應該好低，但係亦唔奇。哈哈！佢都一把年紀都應該結，真嘅話就恭喜佢。」