鄧佩儀在新戲的角色有錯綜複雜的感情線，甚有難度。
鄧佩儀在新劇《換命真相》首當女一，遇中難度極高的角色，對演技仍未夠班的她的來說甚有壓力，雖然她事前做定不少功課，但有傳她在片場頻頻NG，連累劇中兩位男主角陪她重拍，因此全劇組晚晚都超時收工。有指譚俊彥忍不住向友人怒呻，而張頴康更嬲到在片場發火。
張頴康表示自己從不發火。
昨夜，張頴康上載與鄧佩儀的合照，並為不和傳聞解畫。他說︰「基於近日有幾編報導話我喺片場發火鬧鄧佩儀，呢幾日不停有工作人員問我：『你發火咩？』、『係幾時嘅事？我想睇呀』、『乜原來你識發火㗎？』到今日服裝姐姐都同我講：『我睇住你訓練班出嚟咁多年，你都唔會發火嘅』好啦，既然大家咁想睇我發火我就發俾你睇啦！嗱！鄧佩儀，如果你以後咁少時間瞓覺都早到現場，我發火爆你㗎！如果以後你NG少過我，我即刻發火爆你㗎！」
他指二人仍在磨合當中，似乎鄧佩儀與張頴康「交流唔到」。
之後他又寫道︰「其實，我哋合作咗都係得十日八日，大家都仲係磨合緊，何來會有不和呢！不如俾啲空間我哋啦，我哋都係想盡力做好個戲俾大家睇啫！請各位高抬貴手，放過我哋啦！死火嘞！講到好似我哋有路咁樣添！不過算啦，我老婆唔會誤會就得喇！」