今日有網民在討論區上載與蘇永康的ig私訊對話截圖，該名網民表示「我係個post問康仔，點解香港呢個水深火熱既時候你仲有心情上大陸搵錢，佢Del完我comment作出以下對話。」截圖見到蘇永康向他說︰「我的政治立場與閣下無關，我亦不在乎你舐乜？我只知道我是個歌手，那裏有我的觀眾，我就會去，講完...」網民就認為蘇永康刪留言與白色恐怖無異，並謂︰「你唔喜歡個cm我明，我又冇講粗口，但因為舐共del晒所有政治聲音，唔係崇尚自由嘅香港人會做嘅嘢，康仔，你變了～是你變了～」
見到網民回覆，蘇永康再回應︰「我個IG等於我屋企，只係招呼一啲啱嘴型嘅朋友入嚟傾偈，既然你覺得我舐共，咁即係話不投機啦！哪怕你有蕭若元嘅口才喺我呢處無用武之地，咪上去高登噴飽佢囉。我反港獨你班契弟話我舐共！我返大陸工作養妻活兒又舐共，你班咁嘅殖民後政治狂熱知啲唔知啲，你而家嘅行為等同行入去基督彌撒講可蘭經，人哋唔聽，你就話人唔係崇尚自由嘅香港人會做嘅！呢啲係白色恐怖...咁而家你話邊個恐怖？香港變成咁，個個星期日每區輪流唔使做生意就係因為你哋呀！」該網民其後表示已經被對方封鎖。
