林穎彤直認與伍富橋沒有聯絡。
林穎彤與同公司的伍富橋傳緋聞，今年3月更一齊宣傳合唱歌，受訪時表示二人愈來愈熟成為好友，惟最近二人互相取消關注IG。今日林穎彤出席活動時，被問到是否與伍富橋分手，她尷尬表示之前一齊合作，所以比較好朋友，直認最近沒有聯絡。
之前二人孖住出席活動，又一齊宣傳新聞。
林穎彤說︰「係冇乜聯絡，之前一齊宣傳歌嘅時候比較好朋友，依家接近冇聯絡（你Unfollow人？）係呀，因為一向follow好少人，方便睇晒朋友啲PO，通常follow最熟嘅朋友。」問到二人是否因了解而分開，她說︰「係朋友、同事，如果啱傾可以做到好朋友，但係大家冇乜特別話題，唔係咁啱傾嘅就係同事、朋友。」她又指日後與對方見面並不會尷尬，又表示自己現時未準備再拍拖︰「係單身，但唔ready拍拖，睇下將來有冇適合了解嘅男仔，圈外人可能比較好，可能要多啲時間，依家有點混亂，唔知自己想要咩，都係工作行先。」