Sukie為《遺愛》唱主題曲。
歌手鍾舒祺(Sukie)予人剛烈野性的感覺，她為電影《遺愛》唱主題曲《Dream All Dreams》及拍MV，盡顯柔情一面。Sukie在錄音前，先了解電影中角色的動人故事，Sukie透露：「我相信每個年輕人都會有自己夢想，尤其每個女仔都會期盼未來，去追尋幸福，不過現實環境可能令佢地被迫放棄，好似電影入面陳漢娜同陶禧玲兩個角色(分演年輕母親和女兒)，本性善良仲愛旁人多過愛自己，好彩電影入面有鄭中基呢個大哥哥守護住佢地！而我現實中，就多得老公一直不離不棄。」今次兩人更是妻唱夫隨，齊齊為電影各串。
Sukie拍《Dream All Dreams》有老公伴奏。
電影觸及親情，Sukie坦言家人對自己很重要，「自己唔係好識表達心入面的愛，唔係一個隨便講得出『我愛你』、『我掛住你』的人，尤其是對親人，不過我正學習以行動表達自己，成日迫自己去做啲肉麻嘢，有時講完『我愛你』自己都會打冷震。其實日日都係母親節，最緊要日日都一樣咁錫媽咪！」