孖譚詠麟食好西 呂方變「呂圓」

呂方加盟同屬譚詠麟(校長)的經理人公司，雖然二人仍未合作，但兩位殿堂級人馬惺惺相惜，適逢他們在大陸工作，阿倫特地帶同契仔關楚耀，羅鈞滿、趙浚承由張家界飛往上海探班，替正為音樂真人騷演出的呂方打氣。

兩個貪吃的人碰頭，難免使身型擦出『火花』，呂方笑言:「好開心校長來探我，平時佢介紹很多好吃的餐廳給我，今次就親身帶我去嘆美食，真的口福不淺，盡情吃過後都係時候開始減肥，之前上完節目有網民話我肥嘟嘟變咗「肥仔方」，甚至乎叫我「呂圓」，係時候要忍口減肥了。」

呂方與太太伍惠寶去年8月誔下囡囡Emma，這趟他要與家人分開數個月，當爸後也是跟「小情人」寶貝女分開最長時間一次，非常不捨，他表示:「以前返內地工作來回都係幾日，今次留得最耐，梗係掛住屋企人，尤其是有了BB女，依家每日同個女視訊聯繫，囡囡開始識少少叫我，望住佢笑，聽到喊我爸爸，那份溫暖感覺無法言喻，我整個人都融化了，無可取替。」