陳家樂、衛詩雅昨於灣仔出席品牌頒獎禮，二人直言收入受近日社會事件影響，很多籌拍中的電影，都選擇暫時停拍，或因資金不足爛尾收場，很多藝人被迫停工。要供樓的衛詩雅稱，唯有再努力些找其他工作；而陳家樂就趁這段時間，增值自己去學演戲。
剛「上車」做業主的衛詩雅，被問到有沒有供樓壓力，衛詩雅說：「還好！我層樓買得唔算貴，買嘅時候唔敢膽揀間太貴，自己都怕應付唔嚟，捱到嘅，繼續努力搵多啲嘢做囉！」對於電影工作全叫停，衛詩雅自言損失慘重：「我有3套戲係開緊，而家全部停晒，有啲話延期，有啲就唔知延到幾時，真係手停口停。」下周日35歲生日的衛詩雅，揚言要陳家樂送禮物，他即說：「我都有兩套戲要延期，所以要慳啲使，幾百蚊嘅護膚品冇所謂。」
陳家樂爆衛詩雅每日致電給他，問他學了甚麼，又說想去觀堂。
林立三教戲大開眼界
陳家樂指，現在趁有空閒時間增值自己，跟隨林立三進修戲劇，他說：「依家跟緊三叔(林立三)學演戲，因為冇乜工作，想俾啲時間增值自己，噚日開始上第一堂，跟三叔上堂真係大開眼界，同公司新人一齊上，之前啲演戲方法完全扭轉，要重新適應過晒，不過佢收好貴，哈哈。」