方中信、陳家樂、黃定謙為新戲《一級指控》宣傳，電影是廖啟智(智叔)其中一部遺作，方中信感慨地說：「一年多前開拍，嗰時智叔都未出事。」陳家樂稱，智叔與曾江鬥戲讓他印象深刻：「佢哋場可以講係教材級，只係好簡單的嘅場景設計，主要睇兩位演技角力。」
方中信和陳家樂，難忘曾江與智叔鬥戲。
智叔主動提點學生
對於與師父智叔再合作，黃定謙就說：「法庭場戲佢主動嚟教我點投入角色，佢響片場會以老師身份，嘗試幫學生投入。」回憶拍攝過程，方中信表示十分享受：「有曾江、智叔，鮑姐(鮑起靜)呢啲演員擔綱，已經信心保證，知道會拍得好開心她順暢。」
方中信與陳家樂戲中飾演大律師，雖然不是第一次演律師，但方中信還是問了律師朋友意見，他說：「唔希望法庭戲拍出嚟俾觀眾覺得冇說服力，我有啲朋友做大律師，佢哋上庭其實都幾大壓力，要處理好多文件，呢份工作唔容易做。」