張敬軒和Donald(當奴)早前去了澳洲拍攝「天才遊童悉尼篇」，最新一集就講到二人要做個beach boy玩滑浪，軒仔更以水着look登場。
去到Bondi Beach，二人即時變成《激戰》嘅「賤輝」，打拳、膝撞頭、頂籃、跑沙灘爬樓梯等，不過就搞笑居多。經過一輪熱身之後，他們正式跟教練做熱身及陸上模擬滑浪動作。原本二人打算可以在水上示範超型的滑水姿態，奈何他們不停跌落水，玩了數個小時之後，軒仔終於成功企起身兼維持姿勢三秒左右，同行工作人員及教練都忍不住拍手兼歡呼。
對於今次滑浪初體驗，軒仔話超級好玩，不過比想像中難，「除咗平衡，仲要食番個浪嘅走向，不過我呢啲天才兒童都好快上手，哈哈。」除了滑浪，片尾仲加插了軒仔同當奴的出浴花絮，fans大讚二人的表現非常搞笑。
