Ad Block Ad Block
娛樂
2019-08-08 20:45:00

張敬軒新歌講生死 自爆每年更新遺囑

分享:

張敬軒今日推出新歌《感情寄生族》,內容關於面對和領悟生死的必經過程,「導演用一個葬禮去詮釋一段感情嘅一個最後嘅階段,無論情感層面、生理情感,畫上一個句號嘅時候,所有嘢就會回復平靜。」

面對生死,軒仔分享自身經歷,「過去呢一年,我都有同『死亡』好接近嘅經歷,譬如我廣州屋企養嘅一隻狗仔,今年走咗,佢十六歲,陪伴咗我同爸爸媽媽好長嘅時間;之前有個舊同學,同我一樣三十八歲,都係走咗。」除了身邊事物,原來軒仔亦早早為自己立下遺囑,「喺我入咗行大概六、七年,一位圈中前輩提醒我要識得規劃未來生涯,當中包括訂立遺囑。我好記我第一次上律師樓立平安紙嘅時候,簽名嗰刻係好震憾!第一年簽覺得好大吉利是,之後每年去re-new嘅時候,又加咗啲新嘢入去。當你開始去模擬一個所謂葬禮嘅時候,你會知道自己最愛係邊啲人。

 

除此之外,這次MV導演及女主角延續了《空手而來》的班底,提到女主角談善言,軒仔笑說她以後應該不會再為自己拍MV,「今日嚟到拍攝場地見到佢,咦?隻眼做乜腫晒嘅?同上次係一樣㗎!我好appriciate阿談好專業幫我演出呢個MV,佢哋今朝拍攝咗一個葬禮嘅場面,有好多情感激烈同沉重嘅場面,希望可以帶嚟更高嘅視覺美感同水平。」

 

請接受以下私隱政策及免責聲明,以示你同意am730內之私隱政策及免責聲明。了解更多
接受