日前徐天佑在Facebook留言︰「壞人當道 我係一個好人 如果我賴嘢。希望你會相信我係一個好人。#說好的 #核爆都唔割 大家加油 我撐你 暫別。」成段文字耐人尋味，令不少網民猜測天佑被滅聲。(相關新聞︰http://bit.ly/2lNg3FP)
昨晚有網民發現天佑在Facebook出的帖文，每隔數分鐘就會消失。有網民把天佑出的帖文逐一cap圖，其中見到天佑寫道︰「X你老味 我鋪乜都俾人封 你睇到㗎。」但此PO現已刪除。其後天佑再寫道︰「禁聲」、「五大訴求 缺一不可」、「光復香港 時代革命」，亦很快被刪除。天佑之後再寫︰「無論經歷千千萬萬嘅失落空 就係等一次成功」而此PO亦都很真的很成功在天佑的Facebook出現了數小時才被刪。
有網民對他被滅聲感到難過，留言謂︰「今晚開始被滅聲，就係佢一直敢言表態，剛剛佢每出一個post，就算幾普通嘅post，每出唔到到五至十五分鐘就被消失。今時今日唔去做護旗手嘅藝人已經好少，敢於表態嘅藝人少到似絕種動物咁要好好珍惜。身為一個公眾人物真係有種責任，就係以身作則嘅責任，但好多藝人都成為錢奴隸，出賣人最寶貴嘅人格同尊嚴。」
