![]()
日前王君馨(Grace)作客TVB娛樂新聞台節目《StarTalk》，接受主播許文軒(Edmond)專訪，大談做獨立歌手推出新歌感受。她表示由籌備到MV出世，遇到不少困難，坦言今次自資出歌的心情尤如生BB。
Grace與外籍老公Daniel結婚3年，談到生育方面，Grace表示一切隨緣，計劃生一男一女，她說：「唔知點解而家冇咁討厭BB，之前覺得小朋友同BB好難溝通，因為唔知佢哋喊係表達乜嘢，似乎呢一兩年慢慢開始Ready！」問到如何維繫關係，Grace說：「情趣就唔好靠男人，我老公唔識畀驚喜，佢係呢個好簡單嘅人，平時只係返工放工，驚喜等我嚟，我覺得跳舞可以增加情趣，(妳會喺跳舞畀老公睇？)都會！當然唔使排曬舞，跳一啲有美感嘅舞就得。」
Grace在專訪中毫不介意重提早前拍劇「精神出軌事件」，她說：「之前拍劇同男拍檔日對夜對，但我同老公(當時仍是男朋友)一星期只傾一次電話，可能自己太投入角色，連發夢都夢到拍檔，自己知已經響咗警號，我就同我另一半坦白，將件事講曬比佢知，應承佢唔會單獨見面，咁樣先維持到大家信任。依家我問我老公有親熱戲擔唔擔心，佢話完全相信我，佢話有嘢我會同佢講，咁樣就更加令到我放心投入角色。」
