Ad Block Ad Block
娛樂
2021-05-09 15:15:00

愛用微信搵鄭嘉穎傾偈 陳凱琳母讚女婿熱情

分享:

 

陳凱琳(Grace)其母陳劉惠嫺(Connie),早前接受車淑梅的電台訪問,大談今年將迎接一個更熱鬧的母親節,因多了一個新抱,也多添了一名孫兒,車淑梅問到Grace與鄭嘉穎拍拖三年便結婚,是否太快?何謂Right Timing?Connie覺得大家都成熟、便覺得適合,就是Good Timing。「我呢個女婿(鄭嘉穎)好熱情,好尊重我哋兩個老人家,第一次見面就送我老公一支極名貴紅酒。平時我同嘉穎常用微信通信息,我湊緊孫又會打電話俾佢,佢又會即刻接,我哋冇隔膜!」Connie大讚女婿:「鄭嘉穎結婚之後,我更加認識佢,佢以家庭為重,重到我要叫佢減啲,唔好咁誇張,佢成日問,兩個仔大咗會唔會夠錢用,驚住通貨膨脹,成日問老婆舒唔舒服,我話佢而家已經好好,佢話應該仲可以好啲,成日叫Grace唔好慳錢,要用就用!佢又會神神秘秘買個靚手袋送俾Grace,仲同Grace講『唔知點樣去多謝你,我真係好愛你!』佢(嘉穎)對媽媽、家人,甚至工人都好恩待,我以為佢係講嘢大聲嘅大男人,原來佢好細心、好窩心、好體貼!」

網購平台MAMA730 已經面世,購物由此進︰https://mama730.com/

請接受以下私隱政策及免責聲明,以示你同意am730內之私隱政策及免責聲明。了解更多
接受