陳自瑤、岑杏賢、歐陽巧瑩及袁文傑等，昨日出席外購劇集《黑色警報》記者會，台上一眾藝員示範急救技巧。與陳自瑤談到置業問題，對於有報道指王浩信送了一幢豪宅給她，陳自瑤即時否認，並稱現時樓價瘋癲，不是入市的好時機，所以現在先儲蓄多些錢。
陳自瑤自言未學過急救，但之前拍劇演過實習醫生，讀書期間亦學過一些急救小知識，她說：「雖然老公(王浩信)經常拍劇受傷，不過佢受傷嘅時候，自己通常唔會響佢身邊，但係返到屋企我會幫佢處理傷口。」提到有報道指王浩信送了一幢豪宅給她，陳自瑤即時否認：「佢有講過話買樓，不過依家樓價太癲啦，首先儲多啲錢，而且我冇要求老公送豪宅俾我。」
袁文傑裸體照成網上熱話
袁文傑最近演出的新劇收視佳，他說：「多謝觀眾支持，睇到大家嘅評論呀，知道有一幕騷肌戲最受網友關注，仲摷番我以前拍攝旅遊節目嘅裸體相上載，有啲我自己都唔記得。」袁文傑笑言那些照片已經是很多年前的事了，當時是去拍攝浸溫泉，又笑說：「大家想睇，我可以拍多啲新㗎！」
袁文傑笑指，估不到網民對他身材有興趣。