周柏豪和太太Stephanie於前日(2日)誕下一女，他昨天在社交媒體宣布喜訊，透露女兒重6.7磅，亦長得很像太太。柏豪在醫院見到傳媒時稱很開心，也很佩服太太，說到為甚麼瞞得這麼密，是不是很多朋友還未知道，柏豪表示：「其實都唔想咁耐先公布，不過屋企老人家多，老人家希望等BB出院回家，冇咩事時先公布，免得BB小器。」
柏豪坦言當天有跟太太一起進產房：「太太都好冷靜，整個產房就只有我一個人好緊張，太太都叫我唔好喊，免得嚇親醫生。」柏豪指，女兒的咀巴長得像自己，上唇尖尖的：「應該似我一樣咁多嘢講，將來都係我受晒，希望將來佢係一個有家教嘅女仔。」柏豪坦言現在離不開女兒，少看幾秒都覺得很久，連穿衣的風格也改變了不少：「我之前好鍾意深色衫，呢幾日嚟醫院睇B女，自動著白色、粉紅色、藍色呢啲色衫。」問到如何獎勵太太，柏豪甜蜜表示：「佢想要咩，咩都可以俾佢，家產、屋，甚至俾埋條命佢都得。」
