由余安安、陳凱琳和羅敏莊主持的無綫節目《日日媽媽聲》昨日(10日)首播,並邀請了袁詠儀(靚靚)擔任節目嘉賓,並自爆為了想囝囝魔童有弟妹,嘗試人工受孕。
靚靚稱為了生小朋友,自己戒掉吸煙習慣,三個月後與老公張智霖積極造人,更用盡所有方法:「計體溫、日子、姿勢,最後個姿勢就係倒轉個人。」靚靚又指努力了幾個月也沒有結果,正當放棄的時候便發現自己懷孕。余安安聽罷表示她生完第一個小朋友之後,為了追生多個也不停努力話人,最後失敗便以順其自然心態面對,未幾便成功再佗B,她認為心情放鬆是其中一個成功懷孕的因素。
靚靚稱待魔童兩、三歲之後,再追生小朋友,同樣試盡不同方法,之後嘗試人工受孕,但最終亦是失敗收場,她相信與自己年紀大有關。她表示整個人工受孕過程最辛苦除了打針,便是等待的時間:「等嘅時候係最無奈,最唔開心嘅唔係個醫生同你講sorry,而係等嗰下咩都做唔到係好唔開心。」她稱為了不想再面對這種情緒便放棄,又鼓勵各位有仔趁嫩生。